Stengjer vatnet to stader i kommunen
Både Fusa-sida og Os-sida vert råka på to forskjellige datoar i neste veke.
Bjørnafjorden kommune melder på nettsida si at det vert brot i den offentlege vassforsyninga til delar av Holdhusvegen, Skjelbreidvegen, Rindakleivane, Heihillervegen og Hammarlandsvegen tysdag 19. mai mellom klokka 09:00 til 14:00 eller til arbeidet er ferdig.
Det same gjeld delar av Greidalsvegen og Brothaugen onsdag 20. mai i tidsrommet 09:00 til 14:00 eller til arbeidet er ferdig.
Annonse
Kommunen ber dei som bur i desse områda om ikkje å bruka vaskemaskin i perioden vatnet er stengd. Om vatnet er misfarga etterpå, bør det tappast gjennom med kaldt vatn.
